पोलिसांनी पुण्याच्या एका व्यापाऱ्याला ताब्यात घेतले असून, त्याच्याकडून झिंक फॉस्फाइड मुंबई : (उंदीर मारण्याचे विष) भरलेल्या तब्बल १४,९०० कॅप्सूल जप्त केल्या आहेत..

पोलिसांनी पुण्याच्या एका व्यापाऱ्याला ताब्यात घेतले असून, त्याच्याकडून झिंक फॉस्फाइड (उंदीर मारण्याचे विष) भरलेल्या तब्बल १४,९०० कॅप्सूल जप्त केल्या आहेत. 

मिरवणुकीत सहभागी झालेल्या काही व्हॉलेंटीअर्स महिलांच्या लक्षात हे प्रकरण आल्याने व सादर व्यक्ती संशयास्पद वागत असल्याने त्यांनी ही माहिती पोलिसांना दिली.. 

पोलिसांच्या सतर्कतेमुळे कट उधळला

मोहरमच्या मिरवणुकीत सहभागी असलेल्या काही लोकांना या कॅप्सूलचे वाटप करत असताना तो पोलिसांच्या नजरेत आला. पहाटे ४ च्या सुमारास एका व्यक्तीला उलट्या आणि पोटदुखीचा त्रास होत असल्याची तक्रार मिळाल्यानंतर पोलिसांनी तातडीने हालचाली करत संशयिताला ताब्यात घेतले. चौकशी दरम्यान, त्याने मोहरमच्या मिरवणुकीला लक्ष्य करण्याचा आपला इरादा असल्याचे कबूल केले आहे.

आरोपीची ओळख फैयाज प्रेमजी (रा. विमान नगर, पुणे) अशी पटली आहे. पुण्यात पेंटचा व्यवसाय करणारा प्रेमजी गेल्या काही दिवसांपासून मुंबईतील डोंगरी भागातील एका गेस्ट हाऊस आणि डॉर्मिटरीमध्ये मुक्कामी होता. जे. जे. आणि भायखळा मार्गावरून जाणाऱ्या मोहरमच्या मिरवणुकीला लक्ष्य करण्याचा त्याचा मानस होता. आरोपीने ५० किलो झिंक फॉस्फाइड खरेदी केले होते आणि अनेक दिवस आपल्या राहत्या ठिकाणी ते कॅप्सूलमध्ये भरण्याचे काम करत होता. प्रत्येक कॅप्सूलमध्ये साधारणपणे एक ग्रॅम झिंक फॉस्फाइड भरले होते.