पंडित जवाहरलाल नेहरू आणि पंतप्रधान नरेंद्र मोदी यांच्यात कोणतीही तुलना होऊ शकत नाही.. असे स्पष्ट मत राष्ट्रवादी काँग्रेस (SP) अध्यक्ष शरद पवार यांनी व्यक्त केले आहे. नेहरूंनी स्वातंत्र्याच्या अत्यंत कठीण काळात देशाचा पाया रचला, तर मोदी देशबाहेर भारताची प्रतिष्ठा वाढवत आहेत, असे कौतुकोद्गार त्यांनी काढले आहेत.

शरद पवारांनी आपल्या पक्षाच्या २७ व्या स्थापना दिवसानिमित्त मुंबईत आयोजित मेळाव्यात सविस्तर भूमिका मांडली, त्याचे प्रमुख मुद्दे पुढीलप्रमाणे आहेत:

१. पंडित जवाहरलाल नेहरूंबद्दल काय म्हणाले?तुलना अशक्य: काही मंडळी नरेंद्र मोदी हेच आतापर्यंतचे एकमेव अद्वितीय नेते असल्यासारखे चित्र उभे करत आहेत, मात्र नेहरूंशी कोणाचीही तुलना होऊ शकत नाही. स्वातंत्र्य लढा आणि त्याग: महात्मा गांधींच्या नेतृत्वाखाली स्वातंत्र्यलढ्यामध्ये नेहरूंनी अनेक वर्षे तुरुंगवास भोगला होता. स्वातंत्र्यानंतरच्या अतिशय खडतर काळात त्यांनी आधुनिक भारताचा पाया रचला, जो विसरता येणार नाही.देश निर्मिती: नेहरूंचे देशासाठीचे बलिदान, योगदान आणि कर्तृत्व अद्वितीय आहे, त्यांचा इतिहास आणि स्थान देशात अबाधित राहील.

२. पंतप्रधान नरेंद्र मोदींबद्दल काय म्हणाले?सर्वाधिक काळ पंतप्रधान: नरेंद्र मोदी यांनी देशात सलग सर्वात जास्त काळ पंतप्रधानपद भूषविल्याचे पवारांनी मान्य केले आणि त्याचे स्वागत केले.पंतप्रधान पदाचा आदर: पंतप्रधानपद ही एक अत्यंत महत्त्वाची घटनात्मक संस्था आहे आणि सर्वपक्षीय मतभेद असले तरी त्या पदाची प्रतिष्ठा राखणे प्रत्येक भारतीयाचे कर्तव्य आहे.जागतिक स्तरावर भारताची प्रतिष्ठा: आपल्या वैचारिक भूमिका मोदींपेक्षा वेगळ्या असू शकतात, पण आंतरराष्ट्रीय पातळीवर भारताची प्रतिष्ठा जपण्याचे आणि वाढवण्याचे काम मोदी करत आहेत, ही गोष्ट नाकारता येणार नाही.