मराठा समाजातील तरुणांना उद्योजक बनण्याची सुवर्णसंधी; अण्णासाहेब पाटील आर्थिक विकास महामंडळातर्फे १० ते ५० लाखांपर्यंत कर्ज योजना!

डोंबिवली / मुंबई:

मराठा समाजातील तरुणांनी केवळ नोकरीच्या मागे न लागता स्वतःचा व्यवसाय सुरू करून 'आत्मनिर्भर' व्हावे, या उद्देशाने अण्णासाहेब पाटील आर्थिक विकास महामंडळाच्या वतीने विविध कर्ज योजना राबवण्यात येत आहेत. या योजनेअंतर्गत पात्र उमेदवारांना १० लाख रुपयांपासून ५० लाख रुपयांपर्यंत कर्ज उपलब्ध करून दिले जाणार आहे.

काय आहे ही योजना?

मराठा समाजातील आर्थिकदृष्ट्या मागास असलेल्या युवकांना स्वयंरोजगारासाठी भक्कम पाठबळ देणे हा या महामंडळाचा मुख्य हेतू आहे. या योजनेचे सर्वात मोठे वैशिष्ट्य म्हणजे कर्जाच्या व्याजावर सरकारकडून अनुदान (Interest Subsidy) दिले जाते, ज्यामुळे कर्जाचा बोजा कमी होतो.

पात्रता आणि अटी:

अर्जदार महाराष्ट्र राज्याचा रहिवासी असावा.

उमेदवार मराठा समाजातील असावा.

वयोमर्यादा १८ ते ५० वर्षे निश्चित करण्यात आली आहे.

स्वतःचा नवा उद्योग किंवा व्यवसाय सुरू करण्याची जिद्द असणे आवश्यक आहे.

कोणते व्यवसाय करता येतील?

या योजनेअंतर्गत किराणा दुकान, हॉटेल/रेस्टॉरंट, गॅरेज, छोटे कारखाने (Manufacturing units), शेतीपूरक व्यवसाय, ट्रान्सपोर्ट आणि इतर सेवा क्षेत्रातील उद्योगांसाठी अर्थसाहाय्य मिळू शकते.

अश्विन केळकर आणि प्रा. दिपक जाधव यांचे आवाहन:

"मराठा समाजातील जास्तीत जास्त युवकांनी या संधीचा लाभ घेऊन स्वतःचे अस्तित्व निर्माण करावे. सरकारी योजनांचा फायदा घेऊन तरुण पिढीने उद्योजकतेकडे वळावे," असे आवाहन अश्विन हेमंतकुमार केळकर (मुंबई विभाग अध्यक्ष, राष्ट्रवादी काँग्रेस पार्टी उद्योग विभाग) आणि प्रा. दिपक जाधव ( मुंबई विभाग सचिव, राष्ट्रवादी काँग्रेस पार्टी उद्योग विभाग ) यांनी केले आहे..

अधिक माहितीसाठी संपर्क:

या योजनेच्या अधिक माहितीसाठी किंवा मार्गदर्शनासाठी इच्छुकांनी खालील क्रमांकावर संपर्क साधावा:

संपर्क व्यक्ती: अश्विन हेमंतकुमार केळकर

मोबाईल: ९८३३८३६४२४

(टीप: फोन व्यस्त असल्यास किंवा न लागल्यास व्हॉट्सअँप मेसेज करावा.)

- प्रा. दिपक जाधव. संपादक शब्द खड्ग डिजिटल वृत्तपत्र..